जी. एच. रायसोनी महाविध्यालयाचे दुहेरी क्रीडा यश ; रौप्य पदक आणि ४ खेळाडूंची निवड
मल्लखांबमध्ये सागर चौधरीचे रौप्य यश ; तर ४ खेळाडूंची ‘अश्वमेध–२०२५ ’ या स्पर्धेसाठी विद्यापीठ संघात निवड जळगाव , ता. १ : जी. एच. रायसोनी कॉलेज ऑफ इंजीनियरिंग अँड मॅनेजमेंट , जळगाव येथील खेळाडू सागर किशोर चौधरी याने अखिल भारतीय आंतर-विद्यापीठ मल्लखांब स्पर्धेत उल्लेखनीय कामगिरी करत पिरॅमिड प्रकारात रौप्य पदक पटकावले. ही स्पर्धा २४ ते २७ नोव्हेंबर दरम्यान विनायक मिशन रिसर्च फाउंडेशन , चेन्नई येथे झाली. सागर हा सलग तीन वर्षे विद्यापीठ संघाचे प्रतिनिधित्व करत असून त्याचे हे सततचे उत्कृष्ट योगदान गौरवण्यासारखे आहे. दरम्यान , जी. एच. रायसोनी महाविद्यालयातील ४ खेळाडूंची ‘अश्वमेध क्रीडा स्पर्धा– 2025’ साठी क. ब. चौ. उत्तर महाराष्ट्र विद्यापीठाच्या संघात निवड झाली आहे. यात टेबल टेनिस : योगेश्वरी भोई , वेदांती पाटील बास्केटबॉल : धनश्री पाटील , खुशी सूर्यवंशी यांचा समावेश आहे. ही स्पर्धा ४ ते ८ डिसेंबर दरम्यान स्वामी रामानंद तीर्थ मराठवाडा विद्यापीठ , नांदेड येथे होणार आहे. यावेळी खेळाडूंचा सत्कार करतांना जी. एच. रायसोनी इस्टीट्युटच्या संचालिका प्रा. डॉ. प्रीती अग्रवाल यांनी...
