जी.एच. रायसोनी कनिष्ठ महाविद्यालयाचे बारावीच्या परीक्षेत उत्तुंग यश

याही वर्षी विज्ञान व वाणिज्य शाखेच्या विद्यार्थ्यांनी राखली महाविद्यालयाच्या १०० टक्के निकालाची परंपरा कायम

जळगाव, ता. ०६ –  नुकताच बारावीचा निकाल जाहीर झाला असून यात जी.एच.रायसोनी कनिष्ठ महाविद्यालयाने आपल्या १०० टक्के निकालाची परंपरा कायम राखत याही वर्षी उत्तुंग यश संपादन केले आहे. यात महाविद्यालयातील वाणिज्य शाखेतून अनुक्रमे विधी प्रविणकुमार अग्रवाल हि विद्यार्थीनी ९३.१७ टक्के मिळवून प्रथम, विवेक मनोज साहित्या हा ९३.०० टक्के मिळवून द्वितीय, खुशाल चंद्रकांत माहेश्वरी हा विद्यार्थी ९१.५० टक्के मिळवून तृतीय, अर्णव प्रीतम रायसोनी व निशा शाहिद सय्यद हे ९१.३३ टक्के मिळवून चतुर्थ तसेच चांदणी संजय परप्यानी हि विध्यार्थीनी ९०.६७ टक्के मिळवून महाविध्यालयातून पाचव्या क्रमांकाने उत्तीर्ण झालेली आहे.  तसेच विज्ञान शाखेतून सोहम सचिन इखणकर हा विद्यार्थी प्रथम आला असून त्यास ८९.८३ टक्के मिळाले आहे तर काजल कैलास बारी हि विद्यार्थीनी ७९.०० टक्के मिळवून द्वितीय व श्रद्धा मनोहर पाटील हि विद्यार्थीनी ७७.०० टक्के मिळवून तृतीय आली आहे. यावेळी उत्तीर्ण विद्यार्थ्यांचे अभिनंदन करताना महविद्यालयाच्या प्राचार्या प्रा. सोनल तिवारी यांनी नमूद केले कि महाविद्यालयातील तज्ञ व अनुभवी प्राध्यापक, सुसज्ज प्रयोगशाळा, नियमित वर्ग, नियमित सराव परीक्षा, विद्यार्थ्यांच्या अध्ययनातील सातत्य तसेच परीक्षा काळातील प्रश्नांचा सराव घेतल्यामुळे, विद्यार्थ्यांचे मूल्यमापन करणे सोपे झाले. याचेच फलीत म्हणून महाविद्यालयाचा निकाल शंभर टक्के  लागला. तसेच येणाऱ्या अकरावी, बारावीच्या शैक्षणिक वर्षाची प्रवेश प्रक्रिया सुरु झाल्याचेही त्यांनी यावेळी सांगितले. उत्तीर्ण विद्यार्थ्यांच्या या यशाबद्दल रायसोनी इन्स्टिट्यूटचे अध्यक्ष श्री. सुनीलजी रायसोनी, संचालिका प्रा. डॉ. प्रिती अग्रवाल व  सौ. पलक रायसोनी तसेच महाविद्यालयातील सर्व शिक्षकवृंद यांनी अभिनंदन केले.