स्वायत्त जी. एच. रायसोनी महाविद्यालयाचा “चौथा पदवीप्रदान सोहळा” उत्साहपूर्ण वातावरणात संपन्न

एआय व नवतंत्रज्ञानाच्या युगात यशस्वी होण्यासाठी नॉलेज, स्कील आणि अ‍ॅटिट्युड महत्वाचा, प्रमुख वक्त्यांचे मार्गदर्शन ;  ७९३ स्‍नातकांना पदवी बहाल

जळगाव, ता. १४ : जी. एच. रायसोनी कॉलेज ऑफ इंजीनियरिंग अँड मॅनेजमेंट महाविध्यालयातर्फे चौथ्या दीक्षांत समारंभाचे नुकतेच आयोजन करण्यात आले. या समारंभात एकूण ७९३ विद्यार्थ्यांना पदवी प्रदान करण्यात आली. हा कार्यक्रम बीटा असोसिएट्स प्रायव्हेट लिमिटेडचे सीईओ डॉ. भरत अमळकर ह्यांच्या अध्येक्षतेखाली महाविद्यालयाच्या सभागृहात संपन्न झाला तर विवेकानंद प्रतिष्ठानचे अध्यक्ष राजेंद्र नन्नवरे, कबचौ उत्तर महाराष्ट्र विद्यापीठाचे परीक्षा व मूल्यमापन मंडळाचे संचालक योगेश पाटील तसेच बोर्ड ऑफ गव्हर्नन्स मेंबर व श्रद्धा मैट्सचे सीएमडी महेंद्र रायसोनी हे सन्माननीय अतिथी म्हणून उपस्थित होते. तसेच व्यासपीठावर जी. एच. रायसोनी इन्स्टिट्यूटच्या संचालिका प्रा. डॉ. प्रिती अग्रवाल, अकॅडमिक डीन प्रा. डॉ. संजय शेखावत व  परीक्षा नियंत्रक गौरव तिवारी यांची यावेळी उपस्थिती होती.

या समारंभाच्या प्रास्ताविकेत जी. एच. रायसोनी महाविद्यालयाच्या संचालिका प्रा. डॉ. प्रिती अग्रवाल यांनी महाविद्यालयाच्या विविध क्षेत्रातील यशस्वीतेचा पट मान्यवरांसमोर मांडत, रायसोनी ग्रुप ऑफ इस्टीट्यूटचे अध्यक्ष श्री. सुनीलजी रायसोनी यांचे व्हिजन व महाविद्यालयातील प्राध्यापक व इतर सहकाऱ्यांच्या सहकार्यामुळेच आज रायसोनी अभियांत्रिकी व मॅनेजमेट महाविध्यालय “एक्सलन्स” पातळीला गाठू शकले. महाविद्यालयाच्या स्थापनेपासून दर्जेदार शिक्षणाची कास आम्ही कधीही सोडली नाही तसेच नवनवीन उद्योग विशिष्ट अभ्यासक्रम सुरु करण्यास आम्ही सतत प्रयत्नशील असून बरेचेसे सर्टिफिकेट कोर्सेस आम्ही आंतरराष्ट्रीय पातळीवरील ऑर्गनायजेशन सोबत सुरु केले. महाविद्यालयातील विद्यार्थ्यांना नियमित शिक्षणासोबतच कौशल्य आधारित शिक्षण मिळावे आणि नवीन कौशल्य आधारित तांत्रिक शिक्षणाचा विद्यार्थ्यांना रोजगार उपलब्धीसाठी उपयोग व्हावा हा मुख्य उद्देश समोर ठेवून विविध उद्योग केंद्रासोबत रायसोनी इस्टीट्युटने सामंजस्य करार केला आहे. थेरीपेक्षा प्रॅक्टिकल ज्ञानाला प्राधान्य देत विविध अॅक्टिव्हिटी देखील महाविद्यालयात राबविण्यात येतात यात टोस्ट-मास्टर क्लब, लेट्स टोक क्लब, म्युझिक क्लब, डान्स क्लब, फॅब्रिकेशन क्लब, पिंक हॅट्स क्लब, फोटोग्राफी क्लब यासारख्या विद्यार्थ्यांच्या सर्वागीण विकासासाठी उपयुक्त ठरणाऱ्या विविध उपक्रमाचा समावेश आहे. नुकतेच ‘आयपीआर’अंतर्गत एकाच दिवशी ‘२५१’ कॉपीराईट नोंद करण्याची कामगिरी फॅकल्टी व विध्यार्थ्यानी केली. तसेच तंत्रशिक्षणात रायसोनी इन्स्टिट्यूट सतत नवनवीन शैक्षणिक उपक्रम राबवत विद्यार्थ्यांच्या विकासाचा आलेख नेहमीच उंचावत असते. याचाच एक भाग म्हणून जी. एच. रायसोनी महाविद्यालयात रिसर्च अँड डेव्हलपमेंट विभागाने रायसोनीच्या विद्यार्थ्यांसाठी अनेक नवनवीन उपक्रम राबविले. त्यात इंडस्ट्री ४.०, स्टार्ट-अप, इटरप्रेनरशिप डेव्हलपमेंट, डिझाईन थिंकिंग, क्रिटीकल थिंकिंग, इनोव्हेशन, पेटेंट फायलिंग यासारख्या आधुनिक विषयांची चर्चासत्रे व कार्यशाळा भरविण्यात येतात. नुकतीच विद्यार्थ्यांच्या कल्पनाशक्तीला आणि नाविन्यपूर्णतेला वाव देणारी राष्ट्रीय हॅकेथॉन स्पर्धा उत्तर महाराष्ट्रात प्रथमच रायसोनी महाविद्यालयातर्फे आयोजित करण्यात आली होती. यावेळी ८ राज्यातून ४० संघ सहभागी होऊन सलग २८ तास हि स्पर्धा कार्यरत राहिली. एनपीटीईएल स्वयम, एनआयटीटीटी ऑनलाईन अभ्यासक्रम उपक्रमाचे सक्रिय सभासद असलेल्या रायसोनी महाविद्यालयातील अनेक प्राध्यापक आणि विद्यार्थ्यांनी सुवर्ण, रौप्य मानांकन पटकविले आहे, तसेच आम्ही प्रभावीरित्या नविन राष्ट्रीय शैक्षणिक धोरण राबवीत असून यात मेजर-मायनर प्रोग्राम, अॅकड्मिक बँक ऑफ क्रेडीट, युनिवर्सल ह्युमन व्हेल्यू व ‘इंडियन नॉलेज सिस्टीम’ चे अद्यावत सेंटर व विविध कोर्सेसचे देखील एनइपीनुसार विध्यार्थ्यांचे अध्ययन येथे सुरु असल्याचे त्यांनी सांगितले तसेच परीक्षा सुरळीतपणे पार पाडल्याबद्दल आणि वेळेत निकाल लावल्याबद्दल परीक्षा मंडळाचे कौतुक केले. व विध्यार्थ्यानी आपले ध्येय निश्चित करा,प्रयत्न करा,नीतिमूल्ये जपा तर यशाच्या शिखरावर पोहोचाल.भविष्यात ज्या ठिकाणी जाल त्या ठिकाणी उत्तम काम करा,महाविद्यालयाचे व देशाचे नाव मोठे करा अशी अपेक्षा त्यांनी यावेळी व्यक्त केली.

यानंतर कार्यक्रमाचे प्रमुख पाहुणे व बीटा असोसिएट्स प्रायव्हेट लिमिटेडचे सीईओ डॉ. भरत अमळकर यांनी अनमोल मार्गदर्शन करून उपस्थित विद्यार्थ्यांची मने जिंकली. त्यांनी मार्गदर्शन करताना सांगितले की, “आजचा दिवस तुमच्या आई वडिलांकरीता अभिमानाचा क्षण आहे. विद्यार्थ्यांनी त्यांच्या आवडीनुसार क्षेत्र निवडून सर्वश्रेष्ठ कामगिरी करावी असे सांगितले. याकरिता त्यांनी तरुण नवउद्योजकांची उदाहरणे दिली. आताच्या वैज्ञानीक जगात विद्यार्थी सर्वगुणसंपन्न असला पाहिजे तसेच त्याच्यामध्ये संशोधक जिज्ञासू वृत्ती असली पाहिजे, आपल्याकडे संशोधन संस्कृती रुजवली गेली पाहिजे असे सांगितले. आपण विज्ञान लहानपणापासून शिकत आलो आहोत, परंतु फक्त पाठांतर न करता, सर्व आंधळेपणाने न स्वीकारता आपल्या मनामध्ये प्रश्न निर्माण झाले पाहिजेत. तंत्रज्ञान प्रत्येक क्षणाला बदलत आहे ,त्यामुळे कौशल्ये वाढवा, समर्पण ठेवा व संशोधनात आंनद घ्या असा संदेश देत त्यांनी कठोर मेहनत, नियमितता आणि वक्तशीरपणा याचे महत्त्व विद्यार्थ्यांना सांगितले. यानंतर विवेकानंद प्रतिष्ठानचे अध्यक्ष राजेंद्र नन्नवरे यांनी आपले मत व्यक्त करतांना म्हटले कि, “बियोंड व्हिजन” हे ब्रीद वाक्य हाती घेवून रायसोनी इस्टीट्यूटने आतापर्यतच्या आपल्या कार्यकाळात अनेक विकासपर्व गाठले आणि इस्टीट्यूटची यशस्वी घौडदौड कायम राखत झपाट्याने प्रगती केली. काळाच्या ओघात अनेक बदल स्वीकारत ही इस्टीट्यूट आजपावेतो अबाधित व कालांतराने चालणारी एक प्रगल्भ शैक्षणिक चळवळ म्हणून नावारूपास आली आहे तसेच संशोधन, नवनिर्मिती, जॉब ओरिएटेड कोर्सेस यासहीत युजीसी एआयसीटीईच्या गाईडलाईन नुसार महाविद्यालयात विविध उपक्रम राबविण्यात येतात तसेच आपल्या भागातील बहुतांश मुले,मुली ही शहरी व ग्रामीण पार्श्वभूमीतून येतात त्यामुळे त्यांच्या समग्र व्यक्ती महत्व विकास करण्याची जबाबदारी असते त्यामुळे रायसोनी महाविध्यालयात असलेल्या विविध कौशल्य आधारित अभ्यासक्रमामुळे विध्यार्थ्याना नक्कीच आपल्या पुढील वाटचालीसाठी फायदा होतो असे मत त्यांनी यावेळी व्यक्त केले. यानंतर कबचौ उत्तर महाराष्ट्र विद्यापीठाचे परीक्षा व मूल्यमापन मंडळाचे संचालक योगेश पाटील यांनी म्हटले कि, ‘प्रत्येक विद्यार्थ्याच्या जीवनात पदवी संपादन करणे हे मोठे यश असते. त्याच्यासाठी आणि त्याच्या पालकांसाठी ती अभिमानाची बाब असते. शिक्षण संस्थांसाठी हे विद्यार्थी त्यांचे राजदूत म्हणून व्यावसायिक जीवनात प्रवेश करतात. विद्यार्थी त्यांच्या नव्या आणि स्वतंत्र मार्गावर वाटचाल सुरू करतात. वेगळ्या पद्धतीने विचार करू लागतात. त्यांनी शिक्षण घेताना प्राप्त केलेले ज्ञान आणि व्यावसायिक कौशल्यांचा उपयोग समाजासाठी मोलाचे योगदान देण्यासाठी करावे असे आवाहन त्यांनी यावेळी केले. यानंतर उपस्थित मान्यवरांच्या हस्ते महाविद्यालयातून मागील वर्षी पदवी परीक्षा उत्तीर्ण केलेल्या एमबीए, एमसीए, बीबीए, बीसीए, बी.ई.--इंफॉर्मेशन टेक्नोलॉजी, बी. ई.- मैकेनिकल इंजीनियरिंग, बी.ई.-सिव्हील इंजीनियरिंग, बी.ई.- इलेक्ट्रॉनिक इंजीनियरिंग, बी.ई.- इलेक्ट्रॉनिक्स एंड टेलीकम्युनिकेशन, बी.ई.- इंफॉर्मेशन टेक्नोलॉजी असे सर्व शाखेचे एकूण ७९३ पदवीधर विद्यार्थ्यांना पदवी वितरण करण्यात आले. कार्यक्रमाचे सूत्रसंचालन प्रा. प्रिया टेकवाणी यांनी केले तर आभार अकॅडमिक डीन प्रा. डॉ. संजय शेखावत यांनी मानले. कार्यक्रमाच्या यशस्वीतेसाठी महाविद्यालयातील सर्व प्राध्यापक तथा प्राध्यापकेतर कर्मचाऱ्यांनी विशेष परिश्रम घेतले. यावेळी महाविद्यालयातून मागील वर्षी शिकून गेलेले पदवीधर विद्यार्थी, विद्यार्थीनी व त्यांचे पालक मोठ्या संख्येने उपस्थित होते.

१२ विद्यार्थ्यांनी केली “सुवर्ण पदकां”ची कमाई

कुणाल लक्ष्मीकांत संगीता जैन (एमबीए), वैष्णवी चंद्रकांत कविता वाघ (एमसीए), सुरक्षा राजकुमार सोना वालबानी (बीबीए), कुशल भगवान आशा पाटील (बीसीए), गिरिजा चंद्रकांत अश्विनी शिंगाडे (बी.ई.- कम्प्युटर सायन्स इंजीनियरिंग), सय्यद शाहनवाझ अमिनुद्दीन (बी.ई.--इंफॉर्मेशन टेक्नोलॉजी) जाव्वाद सय्यद आसिफ सय्यद (बी. ई.- मैकेनिकल इंजीनियरिंग), घनश्याम मनोज कविता कठपाल (बी.ई.-सिव्हील इंजीनियरिंग), ओम कमलाकर रंजन चौधरी (बी.ई.- इलेक्ट्रॉनिक इंजीनियरिंग), पवन मनोहर सरला चव्हाण (बी.ई.- इलेक्ट्रॉनिक्स एंड टेलीकम्युनिकेशन), अनुराग घुरान अन्नू झा (बी.ई.- इंफॉर्मेशन टेक्नोलॉजी), रोहित दिलीप सेवंती अत्रे (बी.ई.- आर्टिफिशियल इंटेलिजन्स), रुचिता शिवाजी पाटील (बी.ई. डेटा सायन्स)