जी. एच. रायसोनी महाविद्यालयात रंगला “पतंग महोत्सव”

तिळगुळ बनवा, पोस्टर प्रेझेंटेशन व वक्तृत्व स्पर्धा यासारख्या विविध स्पर्धाचे आयोजन, पतंगावर विविध सकारात्मक स्लोगन्स लिहून समाज प्रबोधन

जळगाव, ता. १५ : येथील जी. एच. रायसोनी कॉलेज ऑफ इंजीनियरिंग अँड मॅनेजमेंट महाविद्यालयात डिपार्टमेंट ऑफ मॅनॅजमेट व कॉम्प्युटर अॅप्लिकेशन विभागातर्फे मकरसंक्रांतीच्या औचित्याने “पतंग महोत्सवा”चे आयोजन करण्यात आले होते. महोत्सवात एकूण ६५० विद्यार्थ्यांनी सहभाग घेतला. पतंग महोत्सवामुळे संपूर्ण महाविद्यालयात उत्साहाचे वातावरण निर्माण झाले होते. यावेळी विद्यार्थ्यांनी विविध पारंपरिक पेहराव परिधान केला तसेच पतंगावर विविध सकारात्मक स्लोगन्स लिहून समाज प्रबोधन करण्यात आले. या उपक्रमाचे जी. एच. रायसोनी इस्टीट्युटच्या संचालिका प्रा.डॉ.प्रिती अग्रवाल यांच्या हस्ते उद्घाटन करण्यात आले तसेच अकॅडेमिक डीन प्रा. डॉ. संजय शेखावत, विविध विभागातील विभागप्रमुख व महाविध्यालयात १० ते ३० जानेवारी दरम्यान सुरु असलेल्या कार्यशाळेत मार्गदर्शन करणारे अमेरिकास्थित प्रख्यात विध्यापिठातील प्रा. क्रिस्टोफर स्कॅल्झो हे देखील यावेळी उपस्थित होते त्यांना विध्यार्थ्यानी मकर संक्रातीचे महत्व सांगत भारतीय संस्कृतीचे दर्शन घडवले व त्यांनीदेखील या आनंददायी प्रसंगी विद्यार्थ्यांसोबत पतंग उडवण्याचा मनमुराद आनंद घेतला.

सदर कार्यक्रमात मार्गदर्शन करतांना रायसोनी इस्टीट्युटच्या संचालिका प्रा. डॉ. प्रिती अग्रवाल यांनी नमूद केले कि, पतंग महोत्सव सारख्या उपक्रमांमुळे विद्यार्थ्यांचा उत्साह वाढतो आणि त्यातून समाज प्रबोधन करणे हि काळाची गरज आहे तसेच जीवनात मिळणारे यश, प्रतिष्ठा आणि सन्मान यांच्यात समन्वय साधत पतंगासारखे आकाशात नव्हे तर जमिनीवर राहणे ज्याला जमते त्याला खरे यश मिळते, असाही विचार संचालिका प्रा.डॉ.प्रिती अग्रवाल यांनी शेकडो विद्यार्थ्यांसमोर मांडला.

या कार्यक्रमात तिळगुळ बनवा, पोस्टर प्रेझेंटेशन, वक्तृत्व स्पर्धा व रिपब्लिक डे पाककला स्पर्धा यासारख्या विविध स्पर्धाचे आयोजन देखील करण्यात आले होते. सेव्ह गर्ल चाईल्ड’, ‘मतदान करना, अच्छी सरकार चुनना, लोकतंत्र बचाना’, ‘नेता सुरक्षित-नारी असुरक्षित’, ‘मुलगा-मुलगी एक समान’, ‘मुलगी शिकली, प्रगती झाली’ आदी संदेश लिहिलेले पतंग स्पर्धेच्या निमित्ताने विध्यार्थ्यानी तयार केले होते. तसेच अनेक विध्यार्थ्यानी वक्तृत्व स्पर्धेत भाग घेत आपले विचार उपस्थितांसमोर मांडले व तिळगुळ बनवा या स्पर्धेत विध्यार्थ्यानी एकदम सोप्या आणि झटपट पद्धतीने बनणारी तिळगुळाची चमचमीत व स्वादिष्ट असे पदार्थ तयार केले.

या विविध स्पर्धेचे परीक्षण प्रा. रश्मी झांबरे, प्रा. पूजा नवल प्रा. सरोज पाटील व प्रा. सोनल पाटील यांनी केले. तसेच या उपक्रमासाठी प्रा. कविता इंगळे, प्रा. हर्षिता तलरेजा, प्रा. प्रतीक्षा पाटील यांनी समन्वय साधले तर एमसीए विभागप्रमुख प्रा. कल्याणी नेवे, एमबीए विभागप्रमुख प्रा. योगिता पाटील, प्रा. करिष्मा चौधरी, प्रा. रुपाली ढाके व प्रा. मानसी तळेले यांनी सहकार्य केले तसेच सदर उपक्रमाचे यशस्वीरीत्या आयोजन केल्याबद्धल जी. एच. रायसोनी इस्टीट्यूटचे अध्यक्ष श्री. सुनीलजी रायसोनी यांनी कौतुक केले.

 

स्पर्धेतील विजेत्यांची नावे

 “वक्तृत्व स्पर्धा” – प्रथम: हर्षदा पाटील (बीसीए), द्वितीय: नंदिनी बागुल (एमबीए)

“पोस्टर प्रेझेंटेशन” - प्रथम: - साक्षी पाटील (बीसीए), द्वितीय: सायली सांगोळे (बीएससी एआय एमएल),

“रिपब्लिक डे पाककला स्पर्धा” – प्रथम: काशिफ अहमद शेख बद्रुद्दीन, द्वितीय: अदिती संदिप बनसोडे

“तिळगुळ बनवा स्पर्धा” – प्रथम: लोकेश शुभाश तलरेजा, द्वितीय: स्नेहा बटेजा