बहिणाबाई विध्यापिठातर्फे जी. एच. रायसोनी महाविद्यालयाला "उत्कृष्ट महाविद्यालय" पुरस्कार प्रदान

निरंतर उत्कृष्ट शैक्षणिक कार्याची मिळाली पावती ; सर्वस्तरातून महाविध्यालयाचे कौतुक

 

जळगाव, ता. १६ :   कवयित्री बहिणाबाई चौधरी उत्तर महाराष्ट्र विद्यापीठाचा यंदाचा "उत्कृष्ट महाविद्यालय" पुरस्कार शहरातील नामांकित स्वायत्त जी. एच. रायसोनी कॉलेज ऑफ इंजीनियरिंग अँड मॅनेजमेंट महाविद्यालयाला शनिवार  दिनांक १४ डिसेंबर २०२४ रोजी कवयित्री बहिणाबाई चौधरी उत्तर महाराष्ट्र विद्यापीठाचे कुलगुरु प्रा. डॉ. विजय माहेश्वरी यांचे अध्यक्षतेखाली तसेच माजी कुलगुरू डॉ. के. बी. पाटील, प्र-कुलगुरू प्रा. डॉ. एस. टी. इंगळे व रजिस्ट्रार प्रा. डॉ. विनोद पाटील यांच्या प्रमुख उपस्थितीत जी. एच. रायसोनी इन्स्टिट्यूटच्या संचालिका प्रा. डॉ. प्रिती अग्रवाल यांनी स्विकारला.

“बियोंड व्हिजन” हे ब्रीद वाक्य हाती घेवून रायसोनी इस्टीट्यूटने २००७ मध्ये जळगाव शहरात स्थापन केलेल्या जी. एच. रायसोनी कॉलेज ऑफ इंजीनियरिंग अँड मॅनेजमेंट महाविध्यालयाने आतापर्यतच्या आपल्या कार्यकाळात अनेक विकासपर्व गाठले आणि इस्टीट्यूटची यशस्वी घौडदौड कायम राखत आपल्या सेवेचे पवित्र व्रत सुरु ठेवले. काळाच्या ओघात अनेक बदल स्वीकारत ही इस्टीट्यूट आजपावेतो अबाधित व कालांतराने चालणारी एक प्रगत शैक्षणिक चळवळ म्हणून नावारूपास आली आहे तसेच महाविध्यालयाला स्वायत्ततेचा दर्जा प्राप्त झाला असून नॅक “ए” ग्रेड व केंद्रीय शिक्षण मंत्रालय तसेच इन्स्टिट्यूट इनोव्हेशन कौन्सिल अंतर्गत महाविद्यालयात वर्षभर घेण्यात आलेल्या विविध उपक्रमाचे परीक्षण करून भारत सरकारचे '३.५' स्टार रेटिंग व आता नुकतेच बहिणाबाई विध्यापिठातर्फे जी. एच. रायसोनी महाविद्यालयाला "उत्कृष्ट महाविद्यालय" पुरस्कार प्रदान करण्यात आल्याने जी. एच. रायसोनी इस्टीट्यूटच्या शिरपेचात अजून एक मानाचा तुरा रोवला गेला आहे.

चालू शैक्षणिक वर्षात महाविद्यालयाला १७ वर्ष पूर्ण होत आहेत. शिक्षण क्षेत्रात नाविन्यता आणि काळानुसार झालेले बदल स्विकारून विद्यार्थ्यांचे हित जोपासत संस्थेची वाटचाल सुरु आहे. रायसोनी इन्स्टिट्यूट शिक्षण क्षेत्रात संपूर्ण भारतात कार्यरत असून या महाविद्यालयाने अतिशय मोठ्या प्रमाणावर शैक्षणिक क्षेत्रात आगेकूच करून संस्थेचे नाव देश पातळीवर नेऊन ठेवले आहे. संस्थेच्या व्यवस्थापन मंडळाच्या वतीने नेहमी सक्रियतेने सकारात्मक निर्णय घेतले जातात. वेळोवेळी संस्थेचे अध्यक्ष श्री.सुनीलजी रायसोनी व संचालिका प्रा. डॉ. प्रिती अग्रवाल यांचे मार्गदर्शन मिळाल्याने हे यश अधोरेखित झाले आहे.

विध्यापिठातील या पुरस्कार समारंभ कार्यक्रमास महाविध्यालयाचे अकॅडमिक डीन प्रा. डॉ. संजय शेखावत, रजिस्ट्रार अरुण पाटील, प्रा. रफिक शेख व संगणक अभियांत्रिकी विभागप्रमुख प्रा. डॉ. सोनल पाटील उपस्थित होते.

 

प्रतिक्रिया

प्राध्यापकांच्या प्रयत्नांची फलश्रुती, विद्यार्थ्यांसाठी काम

प्रा. डॉ. प्रिती अग्रवाल, संचालिका : जी. एच. रायसोनी इन्स्टिट्यूट जळगाव

महाविद्यालयाने घेतलेल्या अथक परिश्रमाची फलश्रुती म्हणजेच उत्तर महाराष्ट्र विद्यापीठांतर्गत सर्वोत्कृष्ट महाविद्यालयाचा पुरस्कार आहे. संस्थेचे अध्यक्ष श्री. सुनीलजी रायसोनी यांचे व्हिजन व महाविद्यालयातील प्राध्यापक व इतर सहकाऱ्यांच्या सहकार्यामुळेच आज रायसोनी महाविध्यालय विद्यापीठाच्या यंदाचा “उत्कृष्ट महाविद्यालय”या एक्सलन्स पातळीला गाठू शकले. रायसोनी इस्टीट्यूटच्या जळगाव शाखेची मी संस्थापक सदस्य या नात्याने २००७ ला २०० ते आज असलेल्या ४५०० विध्यार्थ्यांचा वाढीव आलेखची मी स्वतः साक्षीदार असून निरंतर उत्कृष्ट शैक्षणिक कार्यामुळेच हे शक्य झाले याचा मला आनंद वाटतो. तसेच येत्या काळात समाजाच्या, उद्योगाच्या व इतरांच्या ज्या इस्टीट्यूट कडून अपेक्षा आहेत त्यानिश्चितच आम्ही पूर्ण करू तसेच दर्जेदार शिक्षणाची कास आम्ही कधीही सोडणार नाही. नवनवीनउद्योग विशिष्ट अभ्यासक्रम सुरु करण्यास आम्ही सतत प्रयत्नशील आहोत, ज्यामुळे आपल्या भागातील विध्यार्थ्यांना पुणे, मुंबईला जाण्याची गरज भासणार नाही. स्वायत्त रायसोनी महाविद्यालय हे इनोव्हेशनच्या बाबतीत सातत्याने अग्रस्थानी राहिले आहे. इनोव्हेशन कौन्सिलअंतर्गत गेल्या तीन वर्षात जवळपास १५० ऑनलाईन सत्रांचे आयोजन केले आहे. ‘आयपीआर’अंतर्गत महाविद्यालयाने ३५० कॉपीराईट, २४ पेटंट नोंद केले आहेत. बौद्धिक मालमत्ता अधिकार, इनोव्हेशन, स्टार्टअप, उद्योजकता यावर महाविद्यालयात सातत्याने जागृती कार्यक्रमाचे आयोजन केले जाते. त्यामध्ये विविध क्षेत्रातील मान्यवर तज्ज्ञ मार्गदर्शन करतात. नवीन शैक्षणिक धोरणानुसार मेजर- मायनर हि सिस्टीम राबवत दोन डोमेनमध्ये यशस्वी करिअरसाठी विद्यार्थ्यांना अत्याधुनिक तंत्रज्ञान आणि बहुविद्याशाखीय पद्धतींत शिक्षित करीत आहोत तसेच प्रॅक्टिकल स्किल बेस्ड ट्रेनिंग वर भर, बदलत्या गरजा लक्षात घेवून अभ्यासक्रमात बदल, एक पूर्ण सेमिस्टर नामांकित संस्थेमध्ये करण्याचे ऑप्शन विध्यार्थ्यांना उपलब्ध आहे तसेच जी. एच. रायसोनी महाविद्यालय १०० टक्क्यापैकी ४० टक्के अभ्यासक्रम हा विध्यार्थ्यांना त्याच्या पसंतीचे कोर्सेस घेवून ऑनलाईन मोडमध्ये पूर्ण करण्याची संधी देत असून स्कीलबेस शिक्षणावर अधिक भर यात देण्यात येत आहे. दरवर्षी महाविद्यालयातील प्लेसमेंट विभागातून असंख्य विद्यार्थी विविध कंपनीत निवडले जात आहे. “स्मार्ट इंडिया हॅकेथॉन, आयबीएम नॅसकॉम हॅकेथॉन, मंथन हॅकेथॉन आदी स्पर्धांमध्ये राष्ट्रीय-आंतरराष्ट्रीय स्तरावर रायसोनी महाविद्यालयाच्या विद्यार्थ्यांनी यश मिळवले आहे. एनपीटीईएल स्वयम, एनआयटीटीटी ऑनलाईन अभ्यासक्रम उपक्रमाचे सक्रिय सभासद असलेल्या रायसोनी महाविद्यालयातील अनेक प्राध्यापक आणि विद्यार्थ्यांनी सुवर्ण, रौप्य मानांकन पटकविले असून त्याचीच फलश्रुती हा विध्यापिठाचा "उत्कृष्ट महाविद्यालय" पुरस्कार आहे