जी. एच. रायसोनी पब्लिक स्कूलचे स्नेहसंमेलन जल्लोषांत !

विद्यार्थ्यांच्या विविध गुणदर्शनाचे सादरीकरण ; म.न.पा आयुक्त डॉ विद्या गायकवाड यांची प्रमुख उपस्थिती

जळगाव, ता. ६ : शहरालगत असलेल्या सावखेडा येथील जी. एच. रायसोनी पब्लिक स्कूलचे वार्षिक स्नेहसंमेलन नुकतेच उत्साहात पार पडले. या स्नेहसंमेलनात म.न.पा आयुक्त डॉ विद्या गायकवाड, जी. एच. रायसोनी इस्टीट्युटच्या संचालिका प्रा. डॉ. प्रिती अग्रवाल तसेच सल्लागार श्री. प्रेमदादा रायसोनी यांना प्रमुख पाहुणे म्हणून आमंत्रित करण्यात आले होते. त्याच्या हस्ते सरस्वती पुजन करून तसेच विध्यार्थ्यांच्या स्वागत गीत व गणेश वंदनेने कार्यक्रमास सुरुवात झाली. यावेळी बोलताना आयुक्त डॉ विद्या गायकवाड म्हणाले की “रायसोनी पब्लिक स्कूल मधील विद्यार्थी यांनीं सादर केलेले नाटक, गीते आणी नृत्य यातून जो सर्व धर्म समभाव हा एक मौलिक देशभक्तीपर विचारांची जनजागृती तसेच देशाचा इतिहास व भारतीय संस्कृतीचे दर्शन विध्यार्थ्यानी घडविले. हे कार्यक्रमाचे विशेष. आणी ही स्कूल हा संस्कार विद्यार्थ्यांवर पेरत असल्याचा सार्थ अभिमान वाटतो” असे म्हणुन त्यांनी विद्यार्थी, शिक्षक व स्कूलच्या व्यवस्थापक मंडळाचे कौतुक केले. हा कार्यक्रम मुख्यता सर्कस या संकल्पनेवर आधारित असल्याने संपूर्ण स्नेहसंमेलनात या विषयांवर कलाविष्कार सादर करण्यात आले. तसेच रामायण या ऐतिहासिक व सामाजिक प्रश्न नाटिकेच्या माध्य  मातून विद्यार्थ्यांनी मांडले. कार्यक्रमाच्या प्रास्ताविकेत जी. एच. रायसोनी पब्लिक स्कूलच्या मुख्याध्यापिका तेजल ओझा यांनी वार्षिक अहवालात शाळेचा कला, शैक्षणिक, क्रीडा व स्पर्धा परिक्षेतील गुणवत्ता वाढीचा उंचावत चाललेला आलेख मांडला. तसेच विद्यार्थ्यांना शिक्षकांसह आई-वडिलांचा सन्मान व आदर बाळगण्याचे आवाहन करुन उत्कृष्ट व नियोजनबध्दपणे सादरीकरण केलेल्या सांस्कृतिक कार्यक्रमाचे कौतुक केले. तसेच चित्रपट गायक नकाश अजीज व ध्वनी भानुशाली यांनी गायलेल्या “करंट लगा रे” या गाण्याने कार्यक्रमाची सांगता झाली. या स्नेहसंमेलनाच्या यशस्वीतेसाठी सर्व शिक्षक व शिक्षकेत्तर कर्मचारी आदींसह पालक व स्कूल कमिटी सदस्य यांचे मागदर्शन लाभले. सदर कार्यक्रमाचे यशस्वीरीत्या आयोजन केल्याबद्धल जी. एच. रायसोनी पब्लिक स्कूलचे संचालक श्री. श्रेयसजी रायसोनी यांनी अभिनंदन केले.