जी. एच. रायसोनी महाविध्यालयात “७५ वा प्रजासत्ताक दिन” उत्साहात साजरा

संचालिका प्रा. डॉ. प्रिती अग्रवाल यांचे मार्गदर्शन ; विद्यार्थी, पालक व प्राध्यापकांची मोठ्या संख्येने उपस्थिती

जळगाव ता. २६ : जी. एच. रायसोनी इन्स्टिट्यूट ऑफ इंजीनियरिंग अँड बिझनेस मॅनेजमेंट महाविध्यालय व जी. एच. रायसोनी कनिष्ट महाविद्यालयाच्या संयुक्त विद्यमाने ७५ व्या प्रजासत्ताक दिनानिमित्त जी. एच. रायसोनी इस्टीट्यूटच्या भव्य प्रांगणात ध्वजारोहणाचा कार्यक्रम मोठया उत्साहात साजरा करण्यात आला. याप्रसंगी ओम कमलाकर चौधरी या अभियांत्रिकी महाविद्यालयातील प्रथम क्रमाकांनी उत्तीर्ण झालेल्या विध्यार्थ्याच्या शुभहस्ते ध्वजारोहण करण्यात आले. याप्रसंगी उपस्थितांना संबोधित करतांना जी. एच. रायसोनी इस्टीट्यूटच्या संचालिका प्रा. डॉ. प्रिती अग्रवाल म्हणाले की, विविधतेने नटलेल्या आपल्या देशातील नागरिकांना संविधानाने समान हक्क दिले आहेत. आपल्याला लाभलेले हक्क व कर्तव्यांचा वापर देशहितासाठी करून शांतता, समता व बंधुता ही मूल्ये जोपासावी व आपल्या हक्कांचा वापर करत असतांना देशाप्रती असलेल्या आपल्या कर्तव्यांची जाणीव ठेवावी असा मौलिक संदेश संचालिका प्रा. डॉ. प्रिती अग्रवाल यांनी दिला. यावेळी रायसोनी इस्टीट्यूटच्या म्युझिक क्लबच्या विध्यार्थ्यानी राष्ट्रध्वजास मानवंदना देत विविध देशभक्तीपर गीते सादर केली व सुमित खैरे तसेच विवेक पाटील या विध्यार्थ्यानी देखील आपली मनोगते यावेळी मांडली. सदर कार्यक्रमाचे सूत्रसंचालन प्रज्वल वाकुलकर व ईश्वरी नेमाडे या विध्यार्थ्यानी केले तर यावेळी जी. एच. रायसोनी इस्टीट्यूटचे अकॅडेमिक डीन प्रा. डॉ. संजय शेखावत, जी. एच. रायसोनी कनिष्ठ महाविद्यालयाच्या प्राचार्या प्रा. सोनल तिवारी यासह महाविद्यालयातील विविध विभागातील  प्राध्यापक, विद्यार्थी व पालक मोठ्या संख्येने उपस्थित होते.