या औद्योगीक दौऱ्यात विध्यार्थ्यानी
जाणून घेतली “ईएसडीएस” सॉफ्टवेअर सोल्यूशन लिमिटेडच्या कामकाजाची माहिती; विध्यार्थ्यांचा उत्साहाने सहभाग
जळगाव, ता. १९ : येथील जी. एच. रायसोनी इन्स्टिट्यूट ऑफ
इंजीनियरिंग अँड बिझनेस मॅनेजमेंट महाविध्यालयातील विद्यार्थ्यांचा नाशिक येथील “ईएसडीएस” सॉफ्टवेअर सोल्यूशन लिमिटेड व “पर्याय फूड” येथे
अभ्यासदौऱ्याचे आयोजन करण्यात आले होते.महाविद्यालयातील एमसीए व बीसीए शाखेच्या
विद्यार्थ्यांसाठी जी. एच. रायसोनी इस्टीट्युटच्या संचालिका प्रा. डॉ. प्रिती
अग्रवाल यांच्या मार्गदर्शनाने व सहकार्याने या दौऱ्याचे नियोजन करण्यात आले होते.
या क्षेत्रभेटीचा उद्देश विद्यार्थ्यांना पुस्तकी ज्ञानाबरोबरच औद्योगिक
कार्यप्रणाली कशी चालते. ऑब्जेक्ट ओरिएंटेड प्रोग्रामिंग, वेब डेव्हलपमेंट,
कोडिंग, सॉफ्टवेअर बनवणे,
क्लाउड कॉम्प्युटिंग, डेटाबेस व्यवस्थापित करणे, विश्लेषण प्रणाली आणि बऱ्याच काही बाबींची माहिती
विद्यार्थ्यांना प्रत्यक्ष कार्यक्षेत्रात नेऊन समजावी व त्याचा उपयोग भावी काळात
व्हावा यासाठी या अभ्यासदौऱ्याचे आयोजन करण्यात आले होते असे संचालिका प्रा. डॉ.
प्रिती अग्रवाल यांनी या दौऱ्याची पार्श्वभूमी सांगताना नमूद केले.महाराष्ट्रातील किंबहुना देशातील सॉफ्टवेअर उद्योग
क्षेत्रातील बळकटीकरणासाठी महत्त्वाचे योगदान देणाऱ्या “ईएसडीएस” सॉफ्टवेअर सोल्यूशन लिमिटेडला प्रत्यक्ष भेट देऊन
त्यांची कार्यपद्धती आणि कामकाज जाणून घेण्याची संधी जी. एच. रायसोनी इन्स्टिट्यूट
ऑफ इंजीनियरिंग अँड बिझनेस मॅनेजमेंट महाविद्यालयाच्या विद्यार्थ्यांना मिळाली. या
अभ्यासदौऱ्यात ईएसडीएस लिमिटेडमधील सॉफ्टवेअर डेव्हलपर्स शिवानी कासार व एचआर
सिद्धी बेलेकर यांनी बीएफएसआय, उत्पादन, आयटी आणि आयटीइएस,
दूरसंचार, रिअल इस्टेट, फार्मास्युटिकल्स,
रिटेल आणि शिक्षण, क्लाउड होस्टिंग, व्यवस्थापित
डेटा सेंटर सेवा उत्पादने व इंडस्ट्रीजमधील विविध बारकावे सांगत मार्गदर्शन
केले. सरतेशेवटी चर्चासत्रांची सांगता प्रश्नोत्तराच्या कार्यक्रमाने झाली. जी. एच.
रायसोनी महाविद्यालयाच्यावतीने प्रा. विनोद महाजन व प्रा. करिश्मा चौधरी यांनी या
अभ्यास दौऱ्याचे समन्वय साधले तर “ईएसडीएस” सॉफ्टवेअर सोल्यूशन लिमिटेड व पर्याय फूडचे
विद्यार्थ्यांच्या वतीने प्रा. रफिक शेख व प्रा. कल्याणी नेवे यांनी आभार मानले.
Comments
Post a Comment