जी. एच. रायसोनी महाविद्यालयात ७६ वा स्वातंत्र्य दिन मोठ्या उत्साहात साजरा

विद्यार्थी, प्राध्यापक व पालकांची कार्यक्रमास मोठ्या प्रमाणात उपस्थिती

जळगाव, ता. १५ : जी. एच. रायसोनी इन्स्टिट्यूट ऑफ इंजीनियरिंग अँड बिजनेस मॅनेजमेंट महाविद्यालय व जी. एच. रायसोनी कनिष्ट महाविद्यालयाच्या संयुक्त विद्यमाने ७६ व्या स्वातंत्र्य दिनानिमित्त महाविद्यालयाच्या परंपरेनुसार निखिल पाटील या महाविद्यालयात प्रथम क्रमाकांनी उत्तीर्ण झालेल्या विद्यार्थ्याच्या शुभहस्ते ध्वजारोहण करण्यात आले. यावेळी रायसोनी महाविद्यालयाचे अकॅडमिक डीन प्रा.डॉ. संजय शेखावत हे विद्यार्थ्यांना मार्गदर्शन करताना म्हणाले की, विविधतेने नटलेल्या आपल्या देशातील नागरिकांना संविधानाने समान हक्क दिले आहेत. आपल्याला लाभलेले हक्क व कर्तव्यांचा वापर देशहितासाठी करून शांतता, समता व बंधुता ही मूल्ये जोपासावी व आपल्या हक्कांचा वापर करत असतांना देशाप्रती असलेल्या आपल्या कर्तव्यांची जाणीव ठेवावी असा मौलिक संदेश डॉ. शेखावत यांनी दिला.या कार्यक्रमात रायसोनी इस्टीट्यूटच्या म्युझिक क्लबच्या विध्यार्थ्यानी राष्ट्रध्वजास मानवंदना देत विविध देशभक्तीपर गीते सादर केली. सदर कार्यक्रमाचे सूत्रसंचालन महेक जयसिंघानी व तनुश्री नाहाटा या विद्यार्थिनींनी केले तर यावेळी रायसोनी इस्टीट्यूटचे संचालक श्री. प्रितमजी रायसोनी, संचालिका प्रा. डॉ. प्रिती अग्रवाल, जी. एच. रायसोनी कनिष्ठ महाविद्यालयाच्या प्राचार्या प्रा. सोनल तिवारी यासह महाविद्यालयातील प्राध्यापक, विद्यार्थी व पालक मोठ्या संख्येने उपस्थित होते.