आंतरविद्यापीठ फुटबॉल स्पर्धेसाठी जी. एच. रायसोनीच्या विध्यार्थ्याची निवड

जळगाव, ता. १७  : मध्य प्रदेश येथील राणी दुर्गावती विश्वविद्यालय जबलपूरमध्ये होणाऱ्या आंतर विद्यापीठ फुटबॉल स्पर्धेसाठी जी. एच. रायसोनी इन्स्टिट्यूट ऑफ बिजनेस मॅनेजमेंट महाविद्यालयाच्या बीसीए प्रथम वर्षाच्या पंकज नारायण पाटील या विध्यार्थ्यांची संघात निवड करण्यात आली आहे. पंकज पाटील हा कवयित्री बहिणाबाई चौधरी उत्तर महाराष्ट्र विद्यापीठचे जबलपूर येथे होणाऱ्या फुटबॉल स्पर्धेत प्रतिनिधित्व करणार आहे. ही स्पर्धा १९ ते २५ डिसेंबर या कालावधीत होणार असून पंकज पाटील या विध्यार्थ्याला रायसोनी महाविध्यालयाचे क्रीडा संचालक जयंत जाधव तसेच क्रीडाशिक्षक राहुल धुळणकर व ममता प्रजापत यांचे मार्गदर्शन लाभले आहे. तसेच रायसोनी इस्टीट्युटचे संचालक श्री. प्रितम रायसोनी, संचालिका प्रा. डॉ. प्रिती अग्रवाल व रायसोनी अभियांत्रिकी महाविध्यालयाचे डीन प्रा. डॉ. प्रणव चरखा यांनी अभिनंदन केले आहे.