स्टॅनफोर्ड युनिव्हर्सिटीने जाहीर केलेल्या जगातील अव्वल संशोधकांच्या यादीत जी. एच. रायसोनी महाविध्यालयाच्या प्रा. डॉ. दिपेन कुमार रजक यांना मिळाले स्थान

दोन वर्षात केली १५ पेटंटची नोंद ; संचालक श्री. प्रितमजी रायसोनी व प्रा. डॉ. प्रिती अग्रवाल यासह सर्व स्तरातून डॉ. रजक यांचे कौतुक

जळगाव, ता. १८ : अलीकडेच अमेरिकेतील स्टॅनफोर्ड विद्यापीठाने विविध विषयात संशोधन करणाऱ्या वैज्ञानिकांची जागतिक यादी जाहीर केली. त्यात जी. एच. रायसोनी इन्स्टिट्यूट ऑफ इंजीनियरिंग अँड बिझनेस मॅनेजमेंट महाविद्यालयातील मॅकेनिकल अभियांत्रिकी विभागाचे व रिसर्च व डेव्हलपमेंटचे डीन प्रा. डॉ. दिपेन कुमार रजक यांचे नाव यांत्रिक संशोधन (मटेरियल्स) या विषयाच्या यादीत समाविष्ट झाले आहे. आयआयटी येथे मटेरीअल अॅन्ड डिझाईन मध्ये पीएचडी झालेले व भारतातील विविध नामवंत संस्थामध्ये प्राध्यापक व संशोधक म्हणून सेवा बजावलेल्या डॉ. दिपेन कुमार रजक हे अमेरिका, चीन, सौदी अरेबिया, इराण, दुबई आदी देशांच्या विविध संस्थासोबत एकत्रित काम करीत आहे तसेच ते सध्या जळगाव शहरातील जी. एच. रायसोनी इन्स्टिट्यूट ऑफ इंजीनियरिंग अँड बिझनेस मॅनेजमेंट महाविद्यालयातील मॅकेनिकल अभियांत्रिकी विभागात प्राध्यापक म्हणूनही काम पाहत आहेत. जगाच्या ज्ञानात अधिकची भर पडावी म्हणून कोट्यावधी संशोधक अहोरात्र संशोधन करीत असतात. त्या समर्पित संशोधकांच्या गर्दीतून प्रभावी संशोधन जगासमोर मांडून या यादीत येणं ही काही सामान्य बाब नाही. ज्या स्टॅनफोर्ड विद्यापीठाने ही यादी जाहीर केली त्यांनी प्रत्येक संशोधकाचे कार्य, प्रसिद्ध झालेल्या संशोधन लेखांची संख्या, त्यांना मिळालेले सायटेशन्स, एच-इंडेक्स, संशोधनाची उपयोजकता यांसारख्या विविध निकषांवर संशोधक निर्देशांक तपासून यादीतील क्रमवारी ठरवली आहे. श्री. रजक यांनी दोन वर्षात तेरा पेटंट नोंदविण्याचा इंडिया बुक ऑफचा विक्रम देखील आपल्या नावावर केला असून यात त्यांनी पॉवर स्टोरेज सिस्टमसह थर्मॉस बाटलीमध्ये पाणी गरम करण्यासाठी बहु-ऊर्जा स्त्रोतांचा वापर करणे, झटपट इलेक्ट्रिक हीटिंग वॉटर नळ प्रणाली आणि संरचना, सामग्रीची पद्धत आणि वितळण्यासाठी मल्टी-फंक्शनल इंडक्शन, स्मार्ट तंत्रासह आधुनिक हंडी, चाचणी नमुने तयार करण्याची पद्धत आणि त्याकरिता मोल्डिंग डाय, ऊर्जा कार्यक्षम स्मार्ट प्रेशर (EESP) वेसल सिस्टम, स्मार्ट कंट्रोल प्रेशर वेसल, स्मार्ट कमोड, हेलिकल कॉम्प्रेशन स्प्रिंग आणि मेटल फोमसह मॉड्यूलर हायब्रिड क्रॅश बॉक्स, इंडो-वेस्टर्न अॅडजस्टेबल स्मार्ट कमोड सिस्टीम आणि त्याच्या पद्धती, नल टॅप डिझाइन (एफटीडी) आणि द्रव आणि वायूंसाठी फॅब्रिकेशन पद्धत, फायबर-रिइन्फोर्स्ड पॉलिमर (FRP) संमिश्र साहित्य आणि त्याच्या पद्धती, प्रथमोपचार किट वेंडिंग मशीन (FKVM) प्रणाली आणि त्याच्या पद्धती या विविध विषयांवरील पेटंट त्यांनी नोंदविले आहे तसेच त्यांचे यांत्रिक संशोधनावर ३ पुस्तके देखील प्रकाशित झाले आहेत. त्याच्या या यशाबद्धल रायसोनी इस्टीट्यूटचे संचालक श्री. प्रितमजी रायसोनी, संचालिका प्रा. डॉ. प्रिती अग्रवाल, अकॅडमीक डीन प्रा. डॉ. प्रणव चरखा यांनी अभिनंदन केले आहे.