रायसोनी महाविद्यालयात ७५ वा स्वातंत्र्य दिन मोठ्या उत्साहात साजरा

विद्यार्थी, प्राध्यापक व पालकांची कार्यक्रमास मोठ्या प्रमाणात उपस्थिती

जळगाव, ता. १५ : रायसोनी व्यवस्थापन महाविद्यालय, रायसोनी अभियांत्रिकी महाविध्यालय व रायसोनी कनिष्ट महाविद्यालयाच्या संयुक्त विद्यमाने ७५ व्या स्वातंत्र्य दिनानिमित्त महाविद्यालयाच्या परंपरेनुसार विवेक वाणी, पूजा पीरवानी, आंचल कांकरिया, दिप्ती जाधव या महाविद्यालयात प्रथम क्रमाकांनी उत्तीर्ण झालेल्या विध्यार्थ्याच्या शुभहस्ते ध्वजारोहण करण्यात आले. यावेळी रायसोनी इस्टीट्यूटच्या संचालिका प्रा.डॉ. प्रिती अग्रवाल म्हणाले की, विविधतेने नटलेल्या आपल्या देशातील नागरिकांना संविधानाने समान हक्क दिले आहेत. आपल्या लाभलेले हक्क व कर्तव्यांचा वापर देशहितासाठी करून शांतता, समता व बंधुता ही मूल्ये जोपासावी व आपल्या हक्कांचा वापर करत असतांना देशाप्रती असलेल्या आपल्या कर्तव्यांची जाणीव ठेवावी असा मौलिक संदेश डॉ. अग्रवाल यांनी दिला.या कार्यक्रमात रायसोनी इस्टीट्यूटच्या म्युझिक क्लबच्या विध्यार्थ्यानी राष्ट्रध्वजास मानवंदना देत विविध देशभक्तीपर गीते सादर केली. सदर कार्यक्रमाचे सूत्रसंचालन प्रा. मोनाली शर्मा यांनी केले तर यावेळी रायसोनी इस्टीट्यूटच्या विविध महाविद्यालयातील प्राचार्य, प्राध्यापक, विद्यार्थी व पालक मोठ्या संख्येने उपस्थित होते.