“द फ्युचर ऑफ अॅग्रीकल्चर” या विषयावर रायसोनी महाविध्यालयाच्या प्राध्यापकांचे पुस्तक प्रकाशित

पुस्तकात शेतीसह ड्रोन वापरामुळे शेतकऱ्यांना काय फायदे होऊ शकतात याची अभ्यासपूर्ण माहिती ; संचालक श्री. प्रितम रायसोनी व प्रा. डॉ. प्रिती अग्रवाल यासह सर्व स्तरातून प्रा. बिपासा पात्रा व प्रा. मनीष महाले यांचे कौतुक

जळगाव, ता. ३ : रायसोनी बिजनेस मॅनेजमेट महाविद्यालयातील इलेक्ट्रिकल अभियांत्रिकी विभाग प्रमुख प्रा. बिपासा पात्रा व प्रा. मनीष महाले यांनी लेखन केलेल्या “द फ्युचर ऑफ अॅग्रीकल्चर” या पुस्तकाचे प्रकाशन रायसोनी इस्टीट्युटचे संचालक श्री. प्रितमजी रायसोनी व संचालिका प्रा. डॉ. प्रिती अग्रवाल तसेच अकॅडमिक डीन प्रा. डॉ. प्रणव चरखा यांच्या हस्ते करण्यात आले. अनेक विद्यार्थी हे त्यांच्या अभ्यासाठी अनेक परदेशी लेखकांच्या पुस्तकावर अवलंबून असतात. मात्र स्थानिक प्रेसमधून अशा प्रकारचे पुस्तक विद्यार्थ्यांना उपलब्ध करून देणे ही चांगली बाब असल्याचे कौतुकोद्गार श्री. प्रितमजी रायसोनी यांनी काढले. उच्च शिक्षणाच्या क्षेत्रात दिवसेंदिवस स्थित्यंतर आणि अनेक बदल होताना दिसतात, कालपरत्वे विद्यार्थ्यांच्याही अपेक्षा असतात की त्यांना त्यांच्या महाविद्यालयांत आंतरराष्ट्रीय दर्जाचे गुणवत्तापूर्वक शिक्षण मिळावे याचाच मागोवा घेवून प्रा. बिपासा पात्रा व प्रा. मनीष महाले यांनी लिहिलेले हे पुस्तक विध्यार्थ्यांना नक्कीच फायदेशीर ठरेल असा आशावाद त्यांनी यावेळी व्यक्त केला. प्रा. बिपासा पात्रा व प्रा. मनीष महाले यांनी पुस्तकाची माहिती देतांना सांगितले कि, ड्रोनद्वारे मजुरांच्या तुलनेत दुप्पट काम होऊ शकते. - पारंपरिक फवारणी पध्दतीच्या तुलनेत ड्रोनच्या माध्यमातून होणाऱ्या फवारणीत अपव्यय कमी होतो. यामुळे पाणी आणि खते, कीटकनाशकांची बचत होईल. ड्रोन जास्त काळ चालतो, खर्च कमी येतो तसेच ड्रोन वापरामुळे शेतकऱ्यांना अजून काय फायदे होऊ शकतात याची संपूर्ण माहिती या पुस्तकात दिली असल्याचे त्यांनी नमूद केले. फोटो ओळ : रायसोनी महाविध्यालयातील प्रा. बिपासा पात्रा व प्रा. मनीष महाले यांचे पुस्तक प्रकाशित करतांना रायसोनी इस्टीट्युटचे संचालक श्री. प्रितमजी रायसोनी, संचालिका प्रा. डॉ. प्रिती अग्रवाल व अकॅडमिक डीन प्रा. डॉ. प्रणव चरख ा