रायसोनी बिजनेस मॅनेजमेट महाविद्यालयातील १८ विद्यार्थ्यांची नामांकित आंतरराष्ट्रीय कंपनीत निवड

जळगाव प्रतिनिधी, ता. ९ : शहरातील जी. एच. रायसोनी इन्स्टिट्यूट ऑफ बिझनेस मॅनेजमेंट महाविदयालयाच्या ट्रेनिंग अ‍ॅण्ड प्लेसमेंट विभाग उत्कृष्ट नियोजन करीत विद्यार्थ्यांच्या विविध तांत्रिक सॉप्ट स्किल्सवर विशेष भर देऊन विद्यार्थ्यांना रोजगारक्षम बनविण्यात अत्यंत महत्वाची भुमिका बजावत असते. याच अनुषंगाने कॉम्प्युटर क्षेत्रातील “L&T टेक्नोलॉजी सर्व्हिसेस ली.”, “एॅटोस ग्लोबल” व “फेस कंपनी”  या आंतरराष्ट्रीय दर्जाच्या कंपनीने घेतलेल्या मुलाखतीत रायसोनी बिजनेस मॅनेजमेट महाविद्यालयातील १८ विद्यार्थ्यांची कॅम्पस इंटरव्युवद्वारे निवड करण्यात आली आहे.  अशी माहिती रायसोनी बिजनेस मॅनेजमेंटच्या संचालिका प्रा. डॉ. प्रिती अग्रवाल यांनी दिली. 

“L & T टेक्नोलॉजी सर्व्हिसेस ली.”, “एॅटोस ग्लोबल” व “फेस कंपनी” या आंतरराष्ट्रीय दर्जाच्या कंपनीच्या निवड समितीने रायसोनी बिजनेस मॅनेजमेट महाविद्यालयामधील विद्यार्थ्यांच्या मुलाखती घेतल्या. त्यांनी या निवड प्रक्रियेच्या अंतिम फेरीतून महाविद्यालयातील कॉम्प्युटर विभागातील रोहिणी तायडे, पठाण मुख्तादिर फिरोज, ऋतिक महाजन, जयेश चौधरी, निलेश सोनार, आकाश पानसांबल, अदिती मोरे, आकाश पाटील तसेच विद्युत अभियांत्रिकीचे आदिती शिंदे, दर्शना राणे, विशाखा बाविस्कर, कृष्णा निकम, प्रसाद पाटील, प्रतीक चौधरी, तेजस चौधरी, राजकुमार तायडे, मानसी करंजे व मॅकेनिकल विभागातील हर्षल चंदाने   या अठरा विद्यार्थ्यांची निवड केली. विविध आंतरराष्ट्रीय कंपन्यांमध्ये रायसोनी महाविद्यालयाचे  विद्यार्थी आपले उत्तम करिअर घडवीत आहेत. कंपनीला कशा प्रकारचे विद्यार्थी हवे असतात ?  याचा सखोल अभ्यास करून ‘मागणी तसा पुरवठा’ या धोरणानुसार संबधित विद्यार्थ्यांना विशेष प्रशिक्षकांद्वारे प्रशिक्षण दिले जाते. सदर विद्यार्थ्यांना विद्युत अभियांत्रिकीचे विभाग प्रमुख प्रा. बिपाशा पात्र, संगणकशास्त्र, विज्ञान व माहिती तंत्रज्ञान विभाग प्रमुख प्रा. सोनल पाटील  ट्रेनिंग अॅण्ड प्लेसमेंट विभागाचे डीन प्रा. तन्मय भाले,  ऑफिसर प्रा. हर्षद पाटील, प्रा. स्वाती पाटील, प्रा. हिरालाल साळुंखे, प्रा. मनीष महाले यांचे मार्गदर्शन लाभले. शिक्षण पूर्ण होण्यापूर्वीच विद्यार्थ्यांना नोकरीची संधी उपलब्ध झाल्यामुळे विशेषतः पालक वर्गात आनंदाचे वातावरण पसरले आहे. निवड झालेल्या विद्यार्थ्यांचे रायसोनी इस्टीट्यूटचे संचालक श्री. प्रितमजी रायसोनी,  संचालिका प्रा. डॉ. प्रिती अग्रवाल,  अकॅडमिक डीन प्रा. डॉ. प्रणव चरखा,  प्रा. रफिक शेख आदींनी अभिनंदन केले़.