रायसोनी कनिष्ठ महाविद्यालयाच्यावतीने आंतरराष्ट्रीय जैवविविधता सप्ताहाचा समारोप
जळगाव , ता.२६ : येथील जी.एच. रायसोनी कनिष्ठ महाविद्यालयामध्ये आंतरराष्ट्रीय जैवविविधता सप्ताह मोठ्या उत्साहात साजरा करण्यात आला. या सप्ताहात महाविद्यालयाच्या आवारात वृक्षारोपण , जलदौड रॅली , पोस्टर सादरीकरन स्पर्धा, जैवविविधतेचे संवर्धन या सहित विविध कार्यक्रम घेण्यात आले. दरवर्षी , 22 मे रोजी जैवविविधतेच्या समस्यांबद्दल जागरूकता आणि संकल्पना समजून घेण्यासाठी आंतरराष्ट्रीय जैविक विविधतेचा दिवस साजरा केला जातो. संयुक्त राष्ट्रांनी नियुक्त केलेल्या दिवसाचे उद्दिष्ट जगभरातील लोकांना जैविक विविधतेचे महत्त्व आणि त्याचा पृथ्वीच्या परिसंस्थांवर कसा परिणाम होतो याची आठवण करून देणे हा आहे. या सप्ताहाच्या समारोप कार्यक्रमात रायसोनी कनिष्ठ महाविद्यालयाच्या प्राचार्या प्रा. सोनल तिवारी यांनी सांगितले कि , जैवविविधतेने समृद्ध , शाश्वत आणि आर्थिक क्रियाकलापांसाठी संधी देणारे वातावरण आपण निर्माण केले पाहिजे. जैवविविधतेच्या कमतरतेमुळे पूर , दुष्काळ , वादळ अशा नैसर्गिक आपत्तींचा धोका अधिकच वाढतो , त्यामुळे जैवविविधतेचे संवर्धन आपल्यासाठी खूप महत्त्वाचे आहे. पृथ्वीवर लाखो अद्वितीय जैविक प्रजातींच्या अने...
