बारावी म्हणजे विद्यार्थ्यांच्या आयुष्याला कलाटणी देणारे वर्ष : प्रा. सोनल तिवारी

नीट व जेईई परीक्षा नियोजन महत्त्वाचे ; रायसोनी कनिष्ठ महाविद्यालयाची पालक सभा संपन्न

जळगाव, ता. ७ :  येथील जी.एच.रायसोनी कनिष्ठ महाविद्यालयात इ.११वी विज्ञानमधून १२वीत जाणाऱ्या विद्यार्थ्यांसाठी पालक व विद्यार्थी मेळावा आयोजित करण्यात आला होता. याप्रसंगी रायसोनी कनिष्ठ महाविद्यालयाच्या प्राचार्या सोनल तिवारी यांनी विद्यार्थ्यांना नीट व जेईई परीक्षेत यश मिळविण्यासाठी अभ्यासाचे नियोजन कसे करावे याबद्दलची माहिती विध्यार्थी व पालकांना दिली. याप्रसंगी सुरुवातीला सरस्वती मूर्तीचे पूजन करून माल्यार्पण करण्यात आले.  सभेत विद्यार्थ्यांचा शैक्षणिक आढावा घेण्यात आला. तसेच प्रा. सोनल तिवारी यांनी आपल्या मनोगतात पुढे नमूद केले कि, प्रत्येकाच्या आयुष्यात विद्यार्थी दशेतील जीवन अत्यंत महत्वाचे असते. विद्यार्थ्यांवर योग्य संस्कार, शिक्षा देण्याचे काम पालक व शिक्षकांचे असते या अनुषंगाने पालक सभेत विद्यार्थ्यांना येणा-या अडचणी सोडविण्याचा पूर्णपणे प्रयत्न करता यावा या उद्देशाने पालक सभेचे आयोजन करण्यात आले होते. तसेच बारावीत विद्यार्थ्यांना अभ्यास करण्याच्या पद्धती, पेपर लिहिताना मांडावयाचे मुद्दे, वर्गातील नियमितता, आपली जबाबदारी आदी बाबतचे महत्व सांगून विद्यार्थ्यांच्या घेण्यात येणाऱ्या परीक्षा, प्रात्याक्षिके, प्रकल्प, तोंडी परीक्षा यांचे नियोजन व पुढील अभ्यासक्रम सुरु करण्याच्या सूचना प्राचार्या सोनल तिवारी यांनी यावेळी विध्यार्थी व उपस्थित पालकांना दिल्या. तसेच विद्यार्थ्यांचे अकरावीचे प्रगती पत्रकही संबंधित पालकांना पहावयास मिळाले. सदर कार्यक्रमाचे सूत्रसंचालन प्रा. मुकेश सदानशिव तर आभार प्रा. शितल किंग यांनी मानले. यशस्वितेसाठी प्रा. मीनाक्षी पाटील, प्रा. नयना चौधरी  प्रा. गुंजन चौधरी, प्रा. गायत्री भोईटे, प्रा. राहुल यादव, अनिल सोनार, संतोष मिसाळ यांचे सहकार्य लाभले. तर या सभेत पालकांनीही मोठ्याप्रमाणात सहभाग नोंदिवला होता. या कार्यक्रमाचे यशस्वीरीत्या आयोजन केल्याबद्धल रायसोनी इस्टीट्यूटचे संचालक श्री. प्रितमजी रायसोनी व संचालिका प्रा. डॉ. प्रिती अग्रवाल यांनी कौतुक केले.