तंत्रज्ञान व नवनिर्मितीनेच देशाचा विकास शक्य : प्रा. क्रिस्टोफर स्कॅल्झो
जी. एच. रायसोनी महाविद्यालयात “इनोव्हेशन टेक्नोलॉजी अॅन्ड इंटर्नप्रणरशिप”वर आंतराष्ट्रीय परिषद संपन्न ; संशोधक, नवउद्योजक व स्कॉलर विध्यार्थ्यानी नोंदविला उत्स्फूर्त सहभाग
उद्घाटन
कार्यक्रमातील वक्त्यांचे मार्गदर्शन
आर्टिफिशियल
इंटेलिजन्सकडे वळा , उज्ज्वल भविष्य ठरेल : प्रा. क्रिस्टोफर स्कॅल्झो
आर्टिफिशिअल
इंटेलिजन्स हा शब्द नसून हा अत्यंत वेगाने बदलणाऱ्या जगातील एक अत्यंत बलवान असा
बदल आहे. म्हणजेच सुरवातीच्या आणि अलीकडच्या काळामध्ये जी म्हणून काही प्रगती
आपल्याला दिसून येते, तो ठोस बदल म्हणजे आर्टिफिशिअल इंटेलिजन्स
होय. वर्तमानकाळाला तंत्रज्ञानाचे युग म्हटले जाते. या तंत्रज्ञानाच्या काळामध्ये
सर्वात परवलीची संकल्पना कुठली असेल तर ती म्हणजे आर्टिफिशिअल इंटेलिजन्स, सध्या
कुठल्याही क्षेत्रात वेगवान बदल कुठे घडत असतील तर ते देखील याच क्षेत्रात
त्यामुळे आर्टिफिशिअल इंटेलिजन्स आणि डिझाइन थिंकिंग हि कौशल्ये व्यवसायांना
स्मार्ट, जलद निर्णय आणि उत्पादने घेण्यास अधिकाधिक मदत करीत
आहे. ही कौशल्ये क्षेत्र-विशिष्ट नाहीत ते उत्पादन, आरोग्यसेवा,
वित्त, IT, प्रवास, शिक्षण
आणि अगदी तेल व वायू यासह विविध व्यवसायांसाठी लागू आहेत असे सांगत त्यांनी म्हटले
कि स्वातंत्र्यानंतर भारताने विज्ञान आणि तंत्रज्ञान क्षेत्रांमध्ये मोठी मजल
मारली आहे. आता पुढच्या २५ वर्षांमध्ये भारताने विज्ञान, तंत्रज्ञान,
उद्योग आणि शिक्षण यांची सांगड घालून हे प्रज्ञेचे शतक गाजवायला
हवे.
तंत्रज्ञानाच्या
क्षेत्रात पुरूषांच्या बरोबरीने महिलांचेही मोठे योगदान: प्रा. संगीता
पाटील
महाराष्ट्र चेंबर
ऑफ कॉमर्स महिला उद्योजकता समितीच्या अध्यक्षा संगीता पाटील यांनी म्हटले कि, महिला
या त्या तंत्रज्ञानाच्या फक्त ग्राहक नाहीत तर सध्याच्या आणि भविष्यातल्या डिजिटल
विश्वाच्या त्या शिल्पकारही आहेत. तंत्रज्ञानाचा विकास हा लिंगभेदाच्या पलीकडचा
असला पाहिजे यासाठी आतापर्यंतच्या मतप्रवाहांमध्ये सुधारणा करून काही प्रश्न
उपस्थित करावे लागतील. तसेच तंत्रज्ञानाच्या क्षेत्रात मुली आणि महिलांचा सहभाग
वाढवण्यासाठी महाराष्ट्र चेंबर ऑफ कॉमर्स महिला उद्योजकता समितीच्या माध्यमातून
वेगवेगळे उपक्रम हाती घेत असून आज विविध क्षेत्रात महिलांसाठी रोजगाराच्या अनेक
संधी उपलब्ध झाल्या आहेत. स्पर्धेच्या युगात टिकायचे असेल तर महिलांनी देखील
आधुनिक तंत्रज्ञान आत्मसात करावे असे आवाहन अध्यक्षा संगीता पाटील यांनी करत
त्यांच्या समितीच्या माध्यमातून राबविण्यात येणाऱ्या विविध उपक्रमाची माहिती दिली तसेच
फॅशन इंडस्ट्रीत देखील त्या कार्यरत असल्याने यासहीत आजच्या स्थितीला सर्वच
क्षेत्रात नवतंत्रज्ञानाचा समावेश झाल्याचे त्यांनी सांगितले.
भारताची
विज्ञान-तंत्रज्ञानात `परम` प्रगती : प्रा.
अनिल डोंगरे
विध्यापिठातील स्कूल ऑफ कॉमर्स अँड मॅनेजमेटचे अधिष्ठाता प्रा. अनिल डोंगरे यांनी इनोव्हेशन टेक्नोलॉजी अॅन्ड इंटर्नप्रणरशिपवर सविस्तर मार्गदर्शन करतांना सांगितले कि, ज्यांनी स्वतःला अपडेट केले त्यांना नवीन संधी मिळाल्या. त्यामुळे तंत्रज्ञान हे सतत बदलणार आहे. हे बदल स्वीकारण्यासाठी आपण सदैव तयार राहायला हवे. तंत्रज्ञान बदलानंतरच्या गरजा आपण शोधल्यास आपोआपच आपल्याला नवीन संधी सापडतील. ‘एआय’ आणि रोबोटिक्सबाबत नेमके हेच होत आहे. नवे तंत्रज्ञान आल्यावर नवी कौशल्ये विकसित होतात, त्यातून नवे रोजगार उपलब्ध होतात. तसेच संशोधनाच्या बाबतीत आहे, संशोधन म्हणजे ज्ञानाची पातळी वाढवण्यासाठी एखाद्या विषयाचा पद्धतशीरपणे केलेला अभ्यास. यामध्ये सत्याची तपासणी, आधी सापडलेल्या तत्त्वांची पुष्टी, नवीन विषयाचा अभ्यास आदी प्रकार असतात. परंतु आज पर्यंत गरिबी, आजार, युद्ध यावर बहुतेक संशोधन झाले पण त्यांच्यात फारसा बदल झालेला दिसत नाही. प्रत्येक संशोधनाला ठोस कारण असल्याने संशोधकाने नेहमी जगाच्या कल्याणासाठी संशोधन करायला हवे असे म्हणत विज्ञानाची धरून कास... नवनिर्मिती हा आमुचा ध्यास... तंत्रज्ञानाचा करुनी विकास... मानवी जीवन बनवू खास... असे आवाहन त्यांनी यावेळी केले.
Comments
Post a Comment