रायसोनी महाविध्यालयात रोज सकाळी भरते विध्यार्थ्यांच्या शारीरिक व मानसिक आरोग्यासाठीची कार्यशाळा

निरोगी जीवनशैलीत व्यायामाचे महत्त्व स्पष्ट करत ट्रेनर देत आहे विध्यार्थ्यांना “व्यायामाचे धडे”

जळगाव, ता. २५ : महाविध्यालयातील धावपळीच्या दिवसांत विध्यार्थ्यांना व्यायाम करण्यासाठी वेळ काढता येत नाही. तसेच घरी असले तरीही कंटाळा आणि आळस यापुढे व्यायाम करण्याची इच्छा होत नाही, अशी तक्रार अनेक जण करतात. पण, जी. एच. रायसोनी बिजनेस मॅनेजमेट महाविध्यालयामधील प्रा. राहुल त्रिवेदी व प्रा. प्रकाश शर्मा हे रोज सकाळी पाच ते साडेसात या वेळेत विध्यार्थ्याना शारीरिक आणि मानसिक आरोग्य जपण्यासाठी व्यायाम करणं किती गरजेचं आहे याचे धडे देत त्यांच्याकडून मैदानी खेळ, २ किमी धावणे, चालणे, पोहणे, सायकलिंग, दोरीउड्या, जोरबैठका, वजन उचलणे, पुशअप्स, पायऱ्या चढणे-उतरणे, स्ट्रेचिंग, डान्सिंग, योगासने अशा विविध शारीरिक व्यायामाचे प्रकार करून घेत आहे आणि विध्यार्थ्यांचाही या उपक्रमाला मोठ्याप्रमाणात प्रतिसाद मिळत आहे.  

आजच्या स्पर्धेच्या व धावपळीच्या जीवनात सर्वच वयोगटातील लोकांचे व्यायामाकडून दुर्लक्ष होत आहे त्यामुळे कमी वयातच आरोग्याच्या अनेक समस्यां उभ्या राहत आहेत. अभ्यासाच्या ताणातून व करिअर आणि कामाच्या व्यापातून मुले मैदानी खेळ व व्यायामापासून दुरावली आहेत. त्यामुळे रायसोनी महाविध्यालय विध्यार्थ्याच्या शारीरिक व मानसिक आरोग्यासाठी रोज सकाळी ५ वाजता विध्यार्थ्यांना व्यायामाचे धडे देत असून यासोबतच विध्यार्थ्यांना विविध ‘मोटीव्हेशनल ट्रेनर’ त्यांच्या मानसिक स्वास्थासाठी मार्गदर्शन करीत आहे. महाविद्यालयातील प्रा. राहुल त्रिवेदी व प्रा. प्रकाश शर्मा हे राबवीत असलेल्या उपक्रमाचे रायसोनी इस्टीट्यूटचे संचालक श्री. प्रितम रायसोनी व संचालिका प्रा. डॉ. प्रिती अग्रवाल यांनी कौतुक केले आहे.